"AMANAT" партиясы мониторинг жұмыстарын жүргізді
Қасиетті Рамазан айының бірінші күні "AMANAT" партиясы Жаңақорған аудандық филиалы жанынан құрылған партиялық бақылау комиссиясының төрағасы Қ.Тұрабаев аудандық партия филиалының Төрағасы Арман Әбілпейсұлымен және ауылшаруашылығы бөлімі мамандарымен бірлесе отырып Жаңақорған кентінде орналасқан сауда орындары мен азық-түлік дүкендеріне мониторинг жұмыстарын жүргізді.Мониторинг барысында осы азық-түлік дүкендерінде тауарлардың сатылымдағы бағалары өткен аймен салыстырғанда біршама айырмашылықтар бар екендігін анықтады. Яғни, Қасиетті Рамазан айының басталуына байланысты күнделікті қажеті азық-түлік халыққа қол жетімді бағада өткен айдағыдан төмен бағада сатылып жатыр. Мониторингбарысында сауда орындарындағы азық түлік сатылу бағалары бекітілген шекті бағадан асырылмағандығы анықталды.
Алдағы уақытта мониторинг жұмыстары өз жалғасын табатын болады.
