Күн нұрынан жаралған-асыл анам!

"Қай елде болсын, мейлі қай жерде, Әлемнің мәні әйелде". Ғаламның мәні болған әйел затын қанша ұлықтасақ та, артық етпесі анық. Әсіресе, шұғылалы көктемнің сәулесімен қатар келетін 8 наурыз "Халықаралық әйелдер күнін" жоғары деңгейде атап өту міндет.
Осындай ұстанымды биік қойған Жаңақорған аграрлы-техникалық колледжі айшықты мерекені жоғары деңгейде ұйымдастырды. 56 топ студенттері және өндірістік оқыту шебері Е.Қибасаров пен топ жетекшісі Б. Абсаттаровалардың ұйымдастыруымен "Күн нұрынан жаралған-Асыл анам" атты мерекелік концерттік бағдарлама қойылды. Игі шарада ананың қадірін ұқтырар көріністер көрсетіліп, әсем әндер ақтарылды. Колледжде сан жылдар еңбек еткен ардагер аналар қадірлі қонақ болды.