Жастарға 1 млн теңгеден беріледі

Елімізде жұмыссыз жастарға арналған «Zhas project» жобасына өтінім қабылдау басталады. Оның аясында 280 жеңімпаздың әрқайсысына 1 млн теңгелік грант беріледі. Байқауға қатысуға 18 бен 34 жас аралығындағы жұмыссыз жастар өтінім бере алады.
Басты талаптар:
Үміткер өтінім беріп жатқан өңірде тұрақты немесе уақытша тіркелуі тиіс.
Конкурсқа қатысушы 1 ғана әлеуметтік жобаны ұсына алады.
Өтінім беруші 2023 жылғы «Zhas project» жобасының шағын грант иегері болмауы керек.
Наурыздың 25-нен сәуірдің 24-не дейін өтінім қабылданады.