Облыстық дебатта директорлар топ жарды
«Дарын» облыстық қосымша білім беру орталығының ұйымдастыруымен Қармақшы ауданында 16 желтоқсан – Тәуелсіздік күні мерекесіне орай жалпы білім беру ұйымдарының мектеп директорлары арасында «Тәуелсіз ел болашағы – білімді ұрпақ» тақырыбында облыстық дебат турнирі өткізілді.
Білім басшыларының басын қосқан турнирдің мақсаты – білім саласындағы мәселелерді шешу жолдарын қарастыру, өзара пікір алмасуды мақсат етіпті.
Сөз сайысына түскен мектеп басшылары арасында ауданымыздан барған «Нар-Жан» фракциясы яғни Жахудаев Нариман мен Ахметжанов Жанболат ІІ орынды жеңіп алды әрі Жахудаев Нариман «Үздік спикер» номинациясына ие болып, аудан абыройын асқақтатты.
Жеңіс тұғырынан көрінген жерлестерімізді аудандық білім бөлімі басшысының міндетін атқарушы Бекжан Шахизатұлы арнайы қабылдап, жылы лебізін білдірді.
Білім саласының тізгінін ұстаған азаматтар, марапаттарыңыз құтты болсын!
Ақниет МӘДІХАНОВА,
Аудандық білім бөлімінің әдіскері
