Жаңақорған кенті Маи бекетінде жаңа "Ықылас" мешітінің ашылу салтанаты өтті. Ашылу салтанатына ҚМДБ-ның Қызылорда облысы бойынша өкілі Болатбек Абу, Жаңақорған ауданы әкімінің орынбасары Бектас Нуридинов, "Жаңақорған аудандық мешітінің бас имамы Әбдіхалық Нәметов және алыс-жақыннан көптеген ел ағалары қатысып, кент тұрғындарын жаңа мешіттің ашылуымен құттықтады.
Жаңа мешіт аудан тұрғындары, кәсіпкерлер Нұрсұлтан Бейбітжанұлы мен Дархан Досантаевтың бастамасымен салынды.
"Ықылас" мешітінде бір мезгілде 350 жамағат құлшылық ете алады. Сонымен қатар, мешіт жанында мешіт имамына арналған тұрақ-жайы бар, 250 орындық асханасы салынуда.