Боксшылар бәсекесі

Тұңғыш рет 2018 жылдың 20-23 мамырында Жаңақорған кентіндегі спорт кешенінде бокстан 2004-2005 жылдары туылған жасөспірімдер арасында Қазақстан Республикасының чемпионаты өтеді. Елдің түкпір-түкпірінен келген 160 спортшы 20 салмақ дәрежесі бойынша үздіктерді анықтайды. Әрине, аламан доданың Жаңақорғанда өтуі кездейсоқтық емес. Бүгінде ауданда бокс даму жолына түсті. Бір ғана мысал, чемпионатта Сыр өңірінің атынан түсетін бес боксшының төртеуі жаңақорғандықтар. Жалпы, болашағынан үміт күттіретін Нұрмағанбет Бақдәулет, Тұрсынбай Бақберген, Сәуірбек Аблақ және Нұрасыл Үсен ОҚО-ның Арыс қаласында өткен іріктеу кезеңінде салмағында үздік шыққан болатын. Енді Құрбаш Саркулов баптайтын жігіттерден жеңіс күтеміз.