Танымал әнші Димаш Құдайберген Абай Құнанбайұлының туған күні қарсаңында тың челлендж бастады.
«Хакім Абай атамыздың мерейтойы қарсаңында әдемі челлендж бастағалы отырмыз. Дәл мен секілді Абай атамыздың кез келген шығармасын жаттап немесе оқып, дәл осылай бейнетаспаға түсіріп, желіге салып, таратсаңыздар, челленджіміздің басталғаны деп білемін», – деді әнші Instagram парақшасы арқылы оқырманына жолдаған челленджінде.
Димаш Құдайберген бейнеүндеу барысында Абай Құнанбайұлының «Ғылым таппай мақтанба» өлеңін жатқа оқыды.
«Бұл челленджді әлемдегі барлық жанкүйерлеріме және өнердегі әріптестеріме жолдағым келеді. Еліміз аман, жұртымыз тыныш болғай», – деп атап өтеді әнші сөз соңында.