Қай заманда да адам баласы үшін ерен еңбектің орны ерекше. Адал еңбек адамды ер атандырады, ұрпаққа үлгі етеді, мерей-шаттыққа бөлейді. Өмірдің өзі еңбектен тұрады. Шынайы еңбек-шапағаты мол бірлік пен бағасы қымбат бақытқа жетелейтіні ақиқат. Осындай еткен еңбегінің құрметіне бөленіп, бүгінгі таңда немерелерінің ардақты атасы болып отырған, зейнеткер, Жаңақорған кенті, «Достық» көшесінің тұрғыны, көше комитетінің төрағасы Өтембаев Абсұлтан ағаның үйінде «Nur Otan» партиясы Жаңақорған ауданының мәслихат депутаттары Тілеубергенова Асемкул Манапқызы мен Абдукаримова Жаудир Бекахметқызы болып, канвассинг кездесу өткіздік.
Кездесу барысында 2021 жылға жоспарланған «Nur Otan» партиясы сайлауалды бағдарламасының орындалуы әңгіменің негізгі өзегіне айналды. Мұқият тыңдаған Абсұлтан ағамыз әңгіменің төркініне келісетіндей басын шұлғи отырып, өзінің «Достық» көшесінің жарықтандырылуы осы депутаттармен бірлесіп жұмыс жасауының себебінен болғандығын айтып, алғысын да білдірді. Сондай – ақ 41 жыл Жаңақорған аудандық су шаруашылығы басқармасында жай инженерден бастап, аға инженер, насостар қондырғыларының басшылығына дейін көтеріліп, қызмет атқара отырып, осы мекемеде 1970-1973 жылдары бастауыш комсомол ұйымының секретары, 1973-1979 жылдары мекеме кәсіподақ комитетінің төрағасы, 1979-1993 жылдары партия ұйымының төрағасы болып, қоғамдық жұмыстарды жүргіуде белсенділік танытқанын тілге тиек ете отырып, бүгінгі таңдағы аудандық мәслихат депутаттарының қызметтері қоғамдық негізде жүргізілетінін, десе де соған қарамастан халықтың игілігі үшін белсенділік танытып жұмыс жасап жүрген депутаттарға ризашылығын білдіріп, тағы да көкейінде жүрген ой пікірлерімен бөлісті.
Тілеубергенова Әсемкүл Манапқызы
"Nur Otan" партиясы Жаңақорған ауданы филиалы депутаттық фракциясының жетекшісі, аудандық мәслихат депутаты