​МЕМЛЕКЕТТІК САТЫП АЛУДЫ ОРТАЛЫҚТАНДЫРУ ЖОБАСЫ НӘТИЖЕ БЕРУДЕ

Облыста ағымдағы жылы тауарларды, жұмыстарды және қызметтерді сатып алуға 78 млрд. теңгенің 2401 конкурсы жарияланды. Бүгінгі күнге, оның 51 млрд. Теңге болатын 1354-ы аяқталып, 3 млрд. теңге үнемделді. Қалған сатыпалулардың белгіленген мерзімде жүргізілуі бақылауда. Бұл туралы бүгін Өңірлік коммуникациялар қызметінде өткен баспасөз конференциясында облыстық мемлекеттік сатыпалу басқармасы басшысының міндетін атқарушы Алтынай Қуандық мәлімдеді.
«Үнемделген соманың 92 пайызы бірыңғай ұйымдастырушылардың үлесінде. Ағымдағы жылы өткізілген барлық конкурстың 95% бірыңғай ұйымдастырушылармен жүргізілді, қалғаны тапсырыс берушілермен жарияланды. Яғни 2026 конкурстың 854-і бірыңғай ұйымдастырушылармен, 172-ітапсырыс берушілермен. Өткен жылы заң бұзушылықтар саны – 1569 болса, биыл 1060 бұзушылық анықталып, біршама азайды. Оның ішінде, жарияланған сатыпалулардың уәкілетті органмен күші жойылуы көрсеткіші 8% -ға кеміген», - дедіА.Қуандық.
Сондай-ақ, өткен жылы Қызылорда облысы Қаржы министрлігімен жүргізілген «Мемлекеттік сатыпалуларды орталықтандыру» пилоттық жобасына қатысып, 124 млрд. теңгені құрайтын
2900 конкурс ұйымдастырды.Осы модель негізге алынып, биыл барлық конкурстың 95% бірыңғай ұйымдастырушылар мен жүргізілді, қалғаны тапсырыс берушілермен жарияланды. Бұл уәкілетті орган тарапынан анықталған бұзушылықтардың азаюына ықпал етіп, өткен жылмен салыстырғанда кемшіліктер 34%төмендеді.