9, 11 сыныптар аралас оқу форматына көшеді

Елімізде 9,11 сыныптар үшінші тоқсаннан бастап аралас оқу форматына көшеді. Яғни, оқушылар пәндердің 70 пайызын дәстүрлі форматта, 30-ы қашықтан оқиды.
Бүгінде облыс бойынша 9 сыныпта 13252 бала, ал 11 сыныпта 7004 оқушы білім алуда. Олар негізгі пәндерді, қорытынды емтихан мен ұлттық бірыңғай тестілеу кезіндегі міндетті компонентті пәндерді оқитын болады.
-Үшінші тоқсанда 9,11 сынып оқушылары санитарлық талаптарды сақтай отырып аралас форматта оқитын болады. Сондай-ақ, ата-аналардың өтінішіне сәйкес 1-5 сынып аралығындағы 2296 кезекші топта - 34398 оқушы дәстүрлі білім алады. Мұнан өзге, оқушылардың қашықтан оқу барысында игерілуі қажет бағдарламалардың кейбір олқылықтарының орнын толтыру үшін 5 адамнан аспайтын топтарда консультациялар ұйымдастырылады, - деді облыстық білім басқармасының басшысы Ақзира Қасымова.

Өңірлік коммуникация қызметі