«Nur Otan» партиясының штабы ашылды

2020 жылдың 11 желтоқсанында «Nur Otan» партиясы аудандық филиалының штабы ресми ашылды. Оған аудандық партия филиалы төрағасының бірінші орынбасары, штаб төрағасы Мәжит Балқожаев, аудандық сайлауалды штабының мүшелері Ерубай Қалдыбек, Мадияр Ахметов, Мұсабай Серік және зиялы қауым өкілдері қатысты.

Аудандық сайлау комиссиясында 30 кандидаттан тұратын партиялық тізім тіркелді. Оның 25-і –праймериз жеңімпазы, 5-і партия филиалының квотасын алғандар.
– «Nur Otan» партиясы елдік істерде белсенді араласып, халықтың әлеуметтік жағдайының жақсаруына мүд­делі. Біз осы бағыттағы жұмыс­тарымызды жандандыру түсуіміз тиіс, – деді Мәжит Балқожаұлы.
«Nur Otan» партиясы аудандық филиалы тізіміне енген кандидаттар арасында мұғалімдер мен дәрігерлер, кәсіпкерлер мен шаруа қожалық төра­ғалары, мәдениет және ауыл­шаруа­шылығы саласының қызмет­керлері бар. Яғни қоғамның түрлі саласын қамтыған кәсіби мамандардан құралып отыр. Бұл бас партияның сапалық құрамын арттырады, әрі мәслихатқа өткен жағдайда әр түрлі саласының міндеттері мен талаптарын орындауға күш салатын болады.

«Nur Otan» партиясы Қызылорда облысы
Жаңақорған аудандық сайлау қорының қаражатынан төленді