Жуырда аудандық мәдениет үйінде Қазақстан Республикасының дін саласындағы мемлекеттік саясатының 2017-2020 жылдарға арналған тұжырымдамасын жүзеге асыру аясында діни экстремизмнің алдын алуға бағытталған ақпараттық түсіндіру жұмыстарын жетілдіру мақсатында «Діни экстремизм көріністерінің алдын алудағы ақпараттық-түсіндірме шараларын жетілдіру жолдары» тақырыбында семинар-тренинг өткізілді. Аудандағы құқық қорғау органдарының өкілдері, аудандық терроризмге қарсы комиссия мүшелері, ақпараттық түсіндіру топ мүшелері мен білім беру ұйымдарының қызметкерлері қатысқан семинарда Л.Гумилев атындағы Еуразия ұлттық университетінің доценті, философия ғылымдарының кандидаты республикалық деңгейдегі лектор Кеңшілік Тышқан діни экстремизмнің алдын алу мәселелері бойынша түсіндірме берді.