Қазақстанда балабақшалар жұмыстарын бастайды
Қазақстанда 1 маусымнан бастап балабақшалар қайтадан ашылады, бірақ кейбір шектеулермен, деп хабарлайды Stan.kz ақпарат агенттігіне сілтеме жасап zhanaqorgan-tynysy.kz.
Халық пен мемлекеттік органдардың ұсыныстарын ескере отырып, елде шектеу шараларын азайту туралы қосымша шешімдер қабылданды.
2020 жылдың 1 маусымынан бастап мектепке дейінгі мекемелердің, қосымша білім беру ұйымдарының (топта 15 адамнан аспайтын), ғылыми-зерттеу институттары мен ғылыми орталықтардың жұмысы қайта жанданады.
Бірқатар өндіріс пен объектілердің қайта жандана бастағанын ескере отырып, ведомствоаралық комиссия қазақстандықтардың назарын профилактикалық шараларды - маска кию, әлеуметтік қашықтықты сақтау, байланыстарды азайту қажеттілігіне аударды.
