Партия белсенділері марапат биігінде

«Nur Otan» партиясы аудандық филиалында Тәуелсіздік күніне орай партия белсенділері бас қосты.

Шараны аудандық партия филиалы төрағасының бірінші орынбасары Мәжит Балқожаев ашып, атқарылып жатқан жұмыстарға тоқталды. Сондай-ақ «Nur Otan» партиясы облыстық фи­лиалы төрағасы Қуанышбек Ысқақов пен төрағаның бірінші орынбасары Ақмарал Әлназарованың «Алғыс хатын» партияның белсенді мүшелеріне тап­сырды. Сондай-ақ, ізбасар толқынға жастарға партиялық билет табысталды.
Қоғам белсендісі Ізатулла Нәрзілдаев, Қыраш ауылдық округі әкімі Сәруар Биімбетов, Қосүйіңкі ауылдық округінің әкімі Жанай Жанпеисов, халыққа қызмет көрсету орталығының маманы Құдірет Рысдәулетұлы және жұмыспен қамту орталығының маманы Саламат Омаров марапат биігінен көрінді.
– «Nur Otan» партиясы халық сені­­мін ақтап, бірлік пен тұрақ­тылық­тың нышанына айналды. Партия­ның аудандағы филиалын құруға атсалысып, еңбек сіңірдік. Соңы ескерген басшыларға алғыс білдіремін, – деді кездесуде сөз алған Ізатулла Нәрзілдаев.