2020 жылы Ораза мен Құрбан айт қашан басталатыны белгілі болды

Қазақстан мұсылмандары діни басқармасы 2020 жылғы діни күндер күнтізбесін бекітті. Алайда, діни мерекелердің күндері жаңа айдың көрінуіне байланысты көрсетілген уақыттан бір күн шегерілуі немесе алға жылжуы мүмкін
Келесі жылы қасиетті Рамазан айы 25 сәуірде басталады, ал Құрбан айттың бірінші күні 31 шілдеге түсіп тұр, деп хабарлайды Sputnik Қазақстан.
Қазақстан мұсылмандары діни басқармасы 2020 жылғы діни күндер кестесін жариялады.
Келер жылы қасиетті Рамазан айы 25 сәуірге сәйкес келіп тұр. 20 мамырдан 21 мамырға қараған түні барша мұсылман Қадір түнін қарсы алады.
Ал Ораза айт 24 мамырда, Құрбан айт 31 шілдеде басталады.