АЗИЯ КУБОГЫ-2019: ЖАПОНИЯ 5 ДҮРКІН ЧЕМПИОН АТАНА АЛА МА?

 Осымен 16-рет өтіп жатқан футболдан "Азия кубогының" финалына да жеттік. Кеше Катар құрамасы Біріккен Араб Әмірлігін (БАӘ) 4:0 есебімен тізе бүктіріп, ақтық сынға алғаш рет жолдама алды. Тіпті, Катар бұл доп додасында қола да алып көрмеген, енді аяқ алысын алтынмен аптаса қанекей...
   Ал, Жапония болса бұл кубокты 4 рет жеңіп алған болатын. Тіпті, жапондықтар өздері өнер көрсеткен ақтық сынның біреуінде жеңіліп көрмеген. Осы жолы да барын салуға тырысады. Биылғы Әлем чемпионатында керемет өнер көрсеткен бұл жігіттердің қарқыны әлі де қайта қоймаған. Сәттілік дейміз.
   Енді бір сәт тарихқа үңілсек. 1956 жылы жалауы желбіреген сары құрылықтық бәсекеде күншығыс еліне тең келер құрама болмай тұр. Одан кейін Сауд Арабиясы мен Иранда 3 кубоктан болса, Оңтүстік Кореяда 2 алтын бар. Ал, Израиль, Аустралия, Кувейт, Иракта бір-бір алтын қоржында. Соңғы турнирде (2015 жылы) алтынға қол созған аустралиялықтар биыл қарқынын жоғалтып алған тәрізді. Десе де, Жапон жігіттері көпке үлгі әзірге...