22 қаңтарда Роналду мен Алонсо соты өтеді
22 қаңтарда Мадридте сот отырысы өтеді, онда Криштиану Роналду мен мадридтік "Реалдың" жасөспірімдер командасының жаттықтырушысы Хаби Алонсодың істері қаралады – деп хабарлайды "Жаңақорған тынысы" газеті EFE сілтеме жасап.
Екеуі де салық төлеуден жалтарған. Дереккөздің ақпараты бойынша, Роналду сотта өзін кінәлі деп танып, бұрын Испанияның салық органдарымен жасасқан келісімге сәйкес шартты екі жыл мерзімге ие болады. Сондай-ақ, футболшы 18,8 миллион еуро көлемінде айыппұл төлейді.
Естеріңізге сала кетейік, Роналду 2011 жылдан 2014 жылға дейін 14,7 миллион еуро сомасында салықтық алаяқтық жасады деп айыпталған болатын. Алонсо 2010, 2011 және 2012 жылдары үш эпизод бойынша айып тағылды.
Е.Раймбек.
