МАШБЕК ТУРНИРІ: ЕЛАМАН БАС БӘЙГЕНІ ҚАНЖЫҒАСЫНА БАЙЛАДЫ

Еңбек ардагері Машбек Нәлібаевты еске алуға арналған қазақ күресінен түйе палуандар республикалық турнирді қорытындылады. Екі күнге созылған алыптар айқасы тартысқа толы болды. Турнир аясында өткен жастар арасындағы қазақ күресі мен аяқ доп аламаны да жарыстың сәнін келтірді.
Сонымен жарыстың қорытындысы бойынша былтыр турнирдің биік тұғырынан көрінген Руслан бұл жолы күмісті қанағат тұтты. 
Барлық қарсыластарын қоғадай жапырған Сырдың саңлағаы Еламан Ерғалиев ақтық сында жерлесі, Алматы атынан сынға түсіп жүрген Руслан Әбдіразақовтың жауырын жерген тигізді. Ал, үшінші орынды Нұрым Сәлімгереев еншіледі. 
Жарыс жеңімпаздары облыстық дене шынықтыру және спорт басқармасының грамоталарымен, медальдарымен және демеушілердің бағалы сыйлықтарымен марапатталды.