АЗИАДА КҮНДЕЛІГІ: ОНЫНШЫ АЛТЫН ҚОРЖЫНДА

Қазақстандық дзюдошы Дидар Хамза Азиада ойындарында жеңіс тұғырынан көрініп, ел құрамасына оныншы алтынды сыйлады. Бұл туралы Stan.kz Vesti.kz-ке сілтеме жасап хабарлайды.

Дидар Хамза 81 келіге дейінгі салмақ дәрежесінде өнер көрсетті. Отандасымыздың қарсыласы, ирандық спортшы Саид Моллаи болды.
Айта кетейік, бұл – Қазақстанның 2018 жылғы Азиада ойындарындағы 56-шы медалі. Құрама қоржынында 10 алтыннан бөлек, 11 күміс, 35 қола медаль бар.
Жалпы көрсеткіш бойынша, Қазақстан әзірге 10-шы орында тұр.