ЖАҒАЖАЙ ФУТБОЛЫ: ҚАЗАҚСТАННЫҢ ЕКПІНІ КҮШТІ

Мәскеуде жағажай футболынан Еуролиганың екінші ойынында Қазақстан құрамасы Грекияның қақпасына жауапсыз төрт гол соқты, деп хабарлайды ҚазАқпарат.

ҚР Футбол федерациясынан мәлім еткендей, Ерлан Жамантаев шәкірттері топтық кезеңдегі екінші кездесуде Грекияны 4:0 есебімен жеңді. Ойында гол соққан футболшылар - Дмитрий Перевертов, Игорь Демешко, Виталий Тюльпа және Баянбек Мұралинов.
Айта кетейік, жағажай футболынан Еуролиганың бірінші ойынында қазақстандықтар Молдова құрамасын 7:6 есебімен ұтқан еді.
Спортшыларымыз топтық кезеңдегі соңғы ойынын ертең, 22 шілде күні Литва құрамасына қарсы өткізеді.
ЖІГІТТЕРГЕ СӘТТІЛІК!