Жыл үздігі: «Жыл спортшысы»
Біздің еркін және белбеу күресінің балуандары, гандболшы қыз Жанерке де Сыр спортының үздіктері қатарында. Ал, биыл әлемді мойындатқан белбеу күресінің балуаны Алдаберген Айберген Жаңақорғанның «Жыл спортшысы» атанды.
Жас болса да жерлесіміздің жеткен жетістігі аз емес. Жасөспірімдер мен жастар арасында ел біріншілігінде теңдессіз екенін дәлелдеді. Биыл жастар қатарына қосылған балуанымыз жастар арасында өткен ТМД ойындарында күміспен қуантқан болатын. Артынша әлем чемпионы деген атақты жеңіп алды. Түгіскен спорт мектебінің түлегінен әлі талай жүлде күтеміз. Ауыр салмақта белдесетін балуанды қазақ, самбо, тіпті дзюдода төрінің биік тұғырынан көрсек деген тілек бар. Әбдісаттар Садықов басқаратын спорт мектебінен әлі қаншама әлем чемпиондары шығатынына еш күмәніміз жоқ.
