Жаңарықтың жігіттері жарады
Өткен апта аудан спортшылары үшін табысты өтті. Жыл соңындағы турнирлер мен ел біріншіліктерінде жаңақорғандық жастар жеңіс тұғырынан көрініп, биылғы жылды жақсы нәтижемен қорытындылауда. Қараша айының алғашқы аптасын спортшылар қандай жетістіктерімен сүйіншілей алды, соны саралап көрейік.
Апта соңында Қыраш ауылдық округінде Әліпбай Өтеевті еске алуға арналған волейболдан аудандық турнир өтті. Жарысқа 7 команда қатысып, кім мықтыны анықтады. Қазір аудандық, облыстық турнирлерде фаворит саналатын Жаңарық жігіттері жарыста алғы саптан көрінді.
Үнемі жеңістің алтын тұғырынан көрінетін Байкенже командасына бұл жолы қола бұйырды. Ал, жарыс қожайындары Қыраш волейболшылары ақтық сында Жаңарық жігіттеріне есе жіберіп, екінші орынды місе тұтты.
