Кене тасқа жабысқандай, кеселдің ауыртпалығы жаһан жұртына қиын кесапат алып келді. Еліміздің зиялы өкілдерімен қатар, асыл да өр азаматтарын о дүниеге ала кетті. Қаралы хабар елдің еңсесін түсіріп, үміт оты көмескілене бастаған шақта «жалпы ұлттық аза тұту күнін» атап өтіп, арамыздан алыстап кеткен азаматтарды еске алу құптарлық жайт.

Осыған орай қайғыдан қан жұтқан отбасылардың қайғыларына ортақтасып, зиялы қауым өкілдері көңіл айтуда. Сын-сағатта халықтың сағы сынбай, дерттен тез арада арылатынымызға сенім білдірдіреміз.
Аяулы арынан аттамаған ардақты ағайын! Елімізде болып жатқан қиындық ол бәрімізге ортақ дүние. Бұл Қазақстанды ғана емес, әлем жұртшылығын әбігерге салды. Біздің халық бұл жаппай індеттен шығу алдында, ауызбіршілікте, еліміздің аспанын ашық, жерін таза ұстап, сыртқатты жеңе білетіндей бірлікте болуымыз керек. Сабырлық танытып, келешек күн үшін күресуді қарқындатайық. Амандықта ел болып қауышуға ниет етейік.
Жақсыгүл БЕГМАНОВА
Жаңақорған ауданының Құрметті азаматы