Жаңақорған аудандық сотында «Медиация туралы» Заңының қолданылуы тақырыбында брифинг өткізілді

Жаңақорған аудандық сотының төрағасы Ә.Б.Түбекбаева Қазақстан Qyzylorda телеарнасының тілшісінің қатысуымен «Медиация туралы» Заңының қолданылуы тақырыбында брифинг өткізді.
Брифинг барысында аудандық сот төрағасы Ә.Б.Түбекбаева «Медиация немесе дауды баламалы шешу» артықшылығы» сұхбат беріп, медиацияның шығу тарихы, Қазақстанда «Медиация туралы» Заңның қабылдануы, оның жүзеге асырылуы, медиацияның қолданылуы, оның негізгі артықшылықтарына,  қағидаларына, сот ісін жүргізуде медиацияны қолдану ерекшеліктеріне тоқталды. Сонымен қатар төраға Ә.Б.Тубекбаева аудандық сот өндірісінде медиация тәртібімен дауды реттеу арқылы аяқталған істерге тоқталды.
Қорытындылай келе  Ә.Түбекбаева  медиацияны  барлық бұқаралық ақпарат құралдарында насихаттау бойынша, сонымен бірге орындалған жұмыстың нәтижелерін жарықтандыру қажеттілігі туралы атап өтті.

Ақпарат: Жаңақорған аудандық сотының баспасөз қызметі