"Нұр Отан" партиясы "Жемқорлықсыз ел гүлденген ел" жобасы аясында аудандық Әділет басқармасында, аудандық ішкі істер бөлімінің және аудандық партия филиалының қатысуымен кездесу өткізілді.
Кездесу барысында аудандық Әділет басқармасының басшысы Төребек Есқожаұлы "Қазақстан Республикасының 1998 жылы қабылдаған, Сыбайлас жемқорлыққа қарсы күрес туралы" бағдарламасын толықтай түсіндіріп шықса, аудандық партия филиалының кеңесшісі Нариман Үсенұлы "Нұр Отан" партиясының 2015 – 2025 жылдарға арналған Сыбайлас жемқорлыққа қарсы іс-қимыл бағдарламасынан" туындайтын өзекті мәселелерге тоқталып өтті. Кездесу соңы қатысушылармен пікір алмасу алаңына айналып қойылған сұрақтарға тұщымды жауаптар берілді.