Ағымдағы жылдың 11 мамырынан бастап Қазақстан Республикасы Президенттігіне үміткерлерінің сенімді өкілдері, әр партиядан құрылған штабтары арқылы және жалпы халықтық үгіт-насихат кезінде үміткерлерді таныстырудың таза түрін пайдалану қажет.

  Астамшылыққа жол беру, бір үміткермен, екінші үміткердің өкілдерінің негізсіз дау-дамай, дақпыртқа жүгінуі үгіттің лас түріне жатады. Ағайынның ынтымағын бұзып, берекесін кетіретіні сөзсіз. Сондықтан сайлау өткізу заңдылықтарын сақтап, әділетті сайлау өткізуге жұмыла кірісуіміз керек. Қазақстан Республикасының азаматтары тең құқылы. Адамдардың бір-бірінен артық кемшілігі жоқ. Сондықтан Президенттікке үміткер болу көңілі ояу, көзі ашық азаматтардың елдің болашағына, келешегіне жанашырлық танытуы деп түсінсек игі. Ең үлкен мақсат – сенімді өкілдердің үміткер жөніндегі бағдарламасын, дұрыс таңдай білу, үміткерлердің бағдарламасын бір-бірімен салыстырып, қажетті тағын алып, таңдау жұмыстарын дұрыс жасау.
 Бүгінгі таңдағы ынтымағы ұйысқан бірлігімізге сайлау кезінде сызат түсірмеу. Еліміздің егемендігін сақтау басты міндет деп түсінуіміз керек. Баршаңызды әділетті сайлау өткізуге шақырамын.