Беліңіз ауырса
Сіздің беліңіз ауыра ма? Бұл ауру мыңдаған адамның бойынан табылады. Бірақ бұл емделмейді деген сөз емес. Ол белгілі бір жарақаттың немесе қартаюдың нәтижесінде пайда болса да, одан арылуға болады. Егер осы ауру түрі ұзақ уақытқа созылған болса, арнайы дәрігер маманға жолығыңыз. Алдымен аурудың себебін анықтаңыз. Көбінесе белдің ауырғаны бірнеше аптаның ішінде өздігінен жазылады. Егер 2 апта ішінде жазылмаса, терапевт дәрігерге жолығыңыз. Әдетте арқаның төменгі бөлігі ауырады. Омыртқа емес, омыртқаны ұстап тұратын бұлшық еттер шаршайды.
Себебі төмендегідей болуы мүмкін:
Қартаю;
Артрит;
Еттің өсуі;
Сынық;
Сколиоз секілді аурулар және т.б.;
Жақсылап демалыңыз. Күнделікті жүрген кезде, еңкейіп, шалқайғанда, спортпен айналысқанда бел тұсындағы бұлшық ет жұмыс істейді. Ол қанша мықты болса, соншалықты демалысты талап етеді. Сондықтан төсекке жатып демалуды ұмытпаңыз.
- Қырыңызбен жатсаңыз беліңіз ауырмайды;
- Аяғыңыздың ортасына жастық қойып ұйықтап көріңіз;
- Орташа қаттылықтағы матрастарды сатып алуға тырысыңыз. Ол белге түсетін салмақты жеңілдетеді.
ДЕРЕККӨЗ: massaget.kz
