Жыл сайын 3,5 млн қазақстандық Ресей Федерациясына сапар шегеді.
   Ресейліктер де Қазақстанның тұмса табиғатын тамашалауға құмар. Енді қос ел саланы біріге дамытуға көңіл бөлмек. Оның бірі круиздік туризм. Каспийдің әлеуетін осылай пайдалануды Қазақстан бірінші болып қолға алмақ. Бастаманы Ресей де қолдап отыр. Сондай-ақ жастар туризмін дамытуға ниет білдіргендер бар. Осылайша жас блогерлерді қысқы және жазғы туристік бағыттар бойынша сапар шектіру көзделген. Ұйымдастырушылар жастардың көзімен суреттелген табиғат сұлулығы туристердің көптеп тартылуына ықпал ететініне сенімді. Олег Сафонов, РФ туризм жөніндегі федералдық агенттігінің басшысы: - Қазақстандықтар да, ресейліктер де сапарға шығуды жақсы көреді. Сондықтан, халқымыздың қажеттігін өтеу үшін біз күш біріктіруіміз керек. Бұған мүмкіндіктер мол. «Бірегей өнімдер ұсынуға міндеттіміз» деп ойлаймын. Бұл арқылы өзге елдерді де қызықтыруға болады.
www.24.kz