ТҮНГІ РЕЙД ІС-ШАРАЛАРЫ ЖҮРГІЗІЛУДЕ

Оқу жылының аяқталуына байланысты аудан көлемінде қоғамдық тәртіпті сақтау және жасөспірімдердің түнгі уақытта заңды өкілінсіз жүруінің алдын алу мақсатында кезекшілік рейдтік іс-шаралар ұйымдастырылуда.
Аудан әкімі Мажит Самитұлының төрағалығымен орталық алаңда өткен іс-шараға аудан әкімдігі өкілдері, құқық қорғау органдары және білім беру ұйымдарының қызметкерлері қатысты.
Рейд барысында қоғамдық орындар бақылауға алынып, кәмелетке толмағандар мен олардың ата-аналарына түсіндіру және профилактикалық жұмыстар жүргізілді.
Аудан аумағындағы қоғамдық қауіпсіздік пен тыныштықты қамтамасыз ету бағытындағы мұндай алдын алу шаралары алдағы уақытта да тұрақты түрде жалғасын табатын болады.
Айсұлу БАЙСЕЙІТ