Елордада жыл басынан бері 6 адам менингит жұқтырғаны расталған
Қазақстан Денсаулық сақтау министрлігінің Қоғамдық денсаулықты сақтау комитеті Астанада менингококк инфекциясынан ешкім қаза таппағанын мәлімдеді.
Комитеттің мәліметінше, 2018 жылдың басынан бері Астанада 6 адам менингит жұқтырғаны зертханада дәлелденген. Науқастардың екеуі – бала.  
Қазіргі таңда науқастардың бесеуі ауруханадан шығарылған. Бір бала стационарда емін жалғастырып жатыр.  
Қазақстанда 2018 жылдың басынан бері  61 адам менингококк инфекциясын жұқтырғаны расталған. 12 адам, атап айтқанда, Алматыда – алты, Алматы облысында – үш, Оңтүстік Қазақстанда – екі және Қызылорда облысында бір адам  көз жұмды. 
Қазіргі таңда стационарда 40 адам ем қабылдап жатыр.  

sputniknews.kz