Жаңақорған аудандық сотында медиация тәртібімен іс тоқтатылды.

 
Жаңақорған аудандық сотында 21 мамыр 2018 жылы талап қоюшы Е. жауапкер У. қойған неке бұзу туралы азаматтық ісі қаралды.
Сотта талап қоюшы Е. сотқа талап арыз беріп, жауапкермен 18 наурыз 2015 жылдан бастап заңды некеде тұратынын, некеден араларында кәмелетке толмаған екі балаларының барын, жауапкер У. мінездері жараспай жүргенін, алдағы уақытта отбасын сақтап қалуға ешқандай мүмкіндігінің жоғын, балалары өзінің тәрбиесінде екенін көрсетіп, соттан жауапкер У. екеуінің араларындағы некені бұзуды сұраған.
Сот отырысы барысында сот тарапынан тараптарға дауды медиация тәртібімен шешу жөніндегі құқықтары түсіндіріліп, осыған орай, тараптар сотқа дауды медиация тәртібімен реттеу туралы өтінішхаттарын беріп, дауды (жанжалды) медиация тәртібімен реттеу туралы келісімге келген және осы келісімді бекітіп, іс бойынша іс жүргізуді тоқтатуды сұрады.
Сот ұйғарымымен, даудыреттеу туралы келісім сот медиациясын жүргізу тәртібімен бекітіліп, іс жүргізу тоқтатылды.
Ақпарат: Жаңақорған аудандық сотының маманы М.Тұрғанбекұлы