Қарашада облыстың басым бөлігінде орташа ауа температурасы 0⁰, +4⁰ шамасында болады. Ал облыстың солтүстік бөлігінде мөлшер шамасынан +1 градусқа жоғары болады деп күтілуде.– Бірінші онкүндіктің соңына дейін облыс бойынша жауын-шашынсыз ауа райы орнайды. Ауа температурасы түнде 0⁰+5⁰ жылы болса, күндіз +10 +15 градус жылы. Облыстың оңтүстігінде +18 шамасында болады. Онкүндіктің аяғында, 6-7 қараша күндері облыс бойынша ауа температурасы сәл төмендейді. Түнде 0-5 градус аяз болса, күндіз +5⁰+10⁰ жылыға дейін төмендейді. Онкүндіктің аяғында облыстың солтүстігінде және орталығында жауын-шашын күтіледі, – деді Айгерім Жөкелова.Екінші онкүндікте ауа температурасы аздап төмендейді. Түнгі температура -1-6 градус аяз, күндіз +5 +10 градус жылы шамасында болады. Үшінші онкүндікте ауа температурасы түнде – 4⁰ -9⁰-қа төмендесе, күндіз 0, -5 градус шамасында жылы болады.Қараша айында облыста жауын-шашын норма шамасында, облыстың солтүстігінде нормадан сәл жоғары жауады деп күтілуде. Жауын-шашын бірінші онкүндіктің аяғында, екінші онкүндіктің басында жауады. Сонымен қатар облыста жел, тұман күтіледі. Айдың аяғында көктайғақ болуы ықтимал. Екпінді жел 15-20 м/с, облыстың орталығында 23-28 м/с дейін көтерілуі мүмкін. Желдің күшеюі айдың ортасында күтіледі.