Азаматтардың құқықтық сауатын арттыру мен олардың осы тұрғыда ойға түйген түйінді мәселелерін шешуге, жол қозғалысы қауіпсіздік ережесін түсіндіруге бағытталған акцияға «Нұр Отан» партиясы Жаңақорған аудандық филиалының консультанты Нариман Үсенұлы, АІІБ-нің ЖПҚ ЖПП-ның аға инспекторы полиция капитаны Қанағат Оразалиев тұрғындармен кездесу өткізді.
Аталған акцияда сөз сөйлеген «Нұр Отан» партиясы Жаңақорған аудандық филиалының консультанты Нариман Үсенұлы бұл іс-шараның басты мақсаты – тұрғындарға құқықтық көмек көрсету, құқық қорғау және өзге де мемлекеттік құрылымдарға, оның ішінде жол полициясы қызметіне азаматтардың сенімін арттыру және партия мен халық арасындағы байланысты нығайту болып табылатындығын айтып, «Жолда қабылдау» акциясы аты айтып тұрғандай жолда кезіккен азаматтарға түсініктеме, насихат, түсіндіру, жұмыстары жүргізіліп, қатысушылардың барлық сауалдарына жауап берілетіндігін жеткізді.Шара барысында көлік жүргізуші азаматтар мен азаматшалар көкейлерінде жүрген сауалдарын қойып, өтініш-тілектерін білдірді.