Жаңақорған ауданы бойынша білім бөлімі, ҚР Білім және ғылым министрлігінің 2014 жылғы 26 желтоқсандағы 544, Қызылорда облысы әкімінің 2022 жылдың 30 желтоқсандағы 635-“Ө” өкіміне сәйкес, “Орта білім беретін үздік ұйым” грантын беруге арналған конкурстың аудандық кезеңіне құжаттарды қабылдау 2023 жылдың 20-сәуіріне дейін жүргізілетіндігін және байқау 24 сәуір күні сағат 9:00-де аудандық білім бөлімінде өткізілетіндігін хабарлайды.

ЕРЕЖЕЛЕРІ:

 Грант беру жөніндегі конкурстық комиссиялардың отырыстары егер оған құрамының кемінде үштен екісі қатысса, заңды деп саналады;
Дауыс беру нәтижесі комиссия мүшелерінің көпшілік даусымен анықталады. Комиссия мүшелерінің даусы тең болған жағдайда төрағаның даусы шешуіші дауыс болып табылады;

БІЛІМ БЕРУ ҰЙЫМДАРЫ КОНКУРСҚА ҚАТЫСУ ҮШІН КОНКУРСТЫҚ КОМИССИЯҒА МЫНА ҚҰЖАТТАРДЫ:

Конкурсқа қатысуға өтінімді;
Конкурстық комиссиясының қарауына қабылдаудың белгіленген мерзімінде тапсырылған құжаттар “Гранттар конкурсы” деген белгі қойылған конвертте қабылданады;
осы Қағидалардың 11-тармағында көрсетілген өлшемдерге сәйкес тиісті материалдарды тапсырады(Қосымша барлық білім беру ұйымдарына жолданды);
Құжаттарын құжаттар қабылдаудың белгіленген мерзімінен кеш ұсынған білім беру ұйымдары Конкурсқа қатысуға жіберілмейді;
Тиісті деңгейдің конкурстық комиссиясы ұсынылған құжаттар негізінде конкурсқа қатысушыларды тіркеуді жүргізеді;
Конкурстық комиссия ұсынылған материалдарды қарау негізінде жеңімпазды анықтайды және облыстық кезеңге жіберу туралы шешім қабылдайды.