Көлік бала түсінігінде...

«Асылзат Дарын»  балабақшасында «Көліктер»  тақырыбанда ашық сабақ ұйымдастырылды. Бүлдіршіндерді жол жүру ережесіне үйретін сабаққа балабақша меңгерушісі Марина Сейтжаппарова қатысып, сабақтың маңыздылығын түсіндірді.
Баланың дүниетанымын молайтып, көліктердің түрлерімен таныстырды.
Сабақта әуе, су және жер көліктері жайында балалардың ойы тыңдалды. Ұшақ, кеме және көлік туралы өлең оқылып, көріністер тамашаланды. Тәрбиеші Қымбат Сүлейменова сабаққа жан-жақты дайындалғаны көрінді. Көрнекілік құралдары мен пайдаланылған құрылғылары жол ережесі туралы түсінікті кеңейтті. Шара соңында әдіскер Әйгерім Еренова тәрбиешінің ізденімпаздығын, шығармашылдығын және креативтілігін жоғары бағалады.