Өрттен сақтан!
Жыл басынан осы уақытқа дейін аудан көлемінде 15 өрт оқиғасы тіркелді. Орын алған өрттің 10-ы тұрғын үй секторында, 3-еуі автокөлікте, 2-еуіғимаратта болған. Салдарынан 7 200 000 теңге материалдық шығын келген.
Тұрғын үйлерде болған өрттің басты себептері – тұрғындардың отты пайдаланудағы абайсыздығы, балалардың отпен ойнауы, электрлік және газды құрылғыларды қолдану кезінде өрт қауіпсіздігі қағидаларын бұзу және т.б. Тұрғындар тарапынан тұрғын үй секторындағы өрттердің алдын алу мақсатында төмендегі қауіпсіздік шараларын сақтауға шақырамыз:
- тұрғын үйдің ауласы мен оған іргелес аумақты қоқыстан және құрғақ шөптен уақытылы тазартыңыз;
- тұғын үйдің ауласында қоқыс және шөп қалдықтарын өртемеңіз;
- сөндірілмеген темекі тұқылы мен сіріңкені жерге тастамаңыз;
- балалардың оттықпен ойнауына жол бермеңіз;
-тұрғын үй ауласындағы жанып тұрғын ошақтағы оттарды бақылаусыз қалдырмаңыз;
-тұрғын үйлерде шөп жинағанда құрылыстарға дейiн кемiнде 15 метр қашықтықта жинаңыз;
- тұрғын үйлердегі электр желілерін ереже талаптарға сай жүргізіңіз;
Өрт кезінде жедел 101 немесе 112 нөміріне хабарлаңыз!
Жаңақорған ауданының Төтенше жағдайлар бөлімі.
