АУДАН БАСШЫСЫ АРДАГЕРЛЕРМЕН КЕЗДЕСТІ

Бүгін аудан әкімі Мұрат Жолкелдіұлы "Ордакент жастар, ардагерлер үйінде" ардагерлермен кездесті. Басқосуда аудан басшысы ауданның әлеуметтік-экономикалық дамуына тоқталып, алда уақытта атқарылатын жоспарлармен бөлісті.

Кездесу барысында аудандық ардагерлер кеңесінің төрағасы Өмірсерік Тақырбасов бастаған ардагерлер алдағы уақытта ауданымызда атқарылатын жұмыстарға сәттілік тілеп, ақ баталарын берді.

Кездесуді қорытындылаған аудан басшысы Мұрат Жолкелдіұлы ардагерлердің тілектеріне рахметін айтып, ауданымыздың өсіп-өркендеуі жолында аянбай еңбек ететінін жеткізді.

Сонымен бірге, елімізде болғалы жатқан осынау маңызы зор шара-референдумға бейжай қарамай, белсене қатысуға шақырды.