Тұрмыстық газдың жарылысын қалай алдын аламыз?

Тұрмыстық газ адамдар үшін пайдалы ғана емес, сонымен бірге қауіптің жоғары көзі болып табылады. Күнделікті өмірде табиғи газдың екі түрі қолданылады: үйлерге құбырлар арқылы кіретін негізгі газ және баллондарда сатылатын сұйытылған газ. Газдың ағуы улану немесе жарылысқа әкелуі мүмкін. Сондықтан өз қауіпсіздігіңізді қамтамасыз ету үшін және айналаңыздағы адамдардың өмірін қауіпті жағдайға ұшыратпау үшін, газ және тұрмыстық газ құрылғыларын пайдалану ережелерін есте сақтаңыз.

Газ жабдықтарын пайдалану кезінде мыналарға тыйым салынады:

-балаларға және оны қауіпсіз пайдалану тәртібімен таныс емес адамдарға газ құрылғыларын пайдалануға;

-газ құрылғыларын қараусыз қалдыруға;

-сіріңке жанғанға дейін немесе қолмен тұтандырғыш іске қосылғанға дейін ГАЗ вентилін ашпаңыз.

-егер үйде газдың иісі болса сіріңкелерді жағуға, темекі шегуге, жарық пен электр құрылғыларын қосуға және газ құрылғыларының барлық шүмектері мықтап жабылғандығын тексеріңіз.

Есте сақтаңыз:

-газ баллондарын гараждарда, пәтерлерде, балкондарда сақтауға;

- пәтерлерде газ плиталарын өздігінен қосу және ажыратуға;

-пәтерді жылыту үшін газ плиталарын пайдалануға БОЛМАЙДЫ.

Газ баллондарын тек мамандандырылған орындарда толтырыңыз. Үйден шыққан кезде газ плитасын өшіруді және баллондағы вентилді жабуды ұмытпаңыз.

Егер сіз жоғарыда аталған барлық талаптарды орындасаңыз, онда өрттің салдары сізді айналып өтеді. Егер өрт болған болса, дереу өрт сөндіру қызметіне 101 немесе 112 нөмірлері арқылы қоңырау шалыңыз.