Талап қоюшы дауды медиация тәртібімен реттеуіне байланысты талабынан бас тартты

Жаңақорған аудандық сотына талап қоюшы Б. жауапкер Б-дан араларындағы ортақ мүлікті бөлу туралы талаппен жүгінген.
Істі қарау барысында сотпен тараптарға олардың дауды медиация тәртібімен реттеу мүмкіндіктері мен құқықтары, оның тиімді тұстары түсіндірілді.
Тараптар сот отырысында дауды бейбіт жолмен реттегенін көрсетті.
Дауды медиация тәртібімен реттеу туралы келісімінің шарттары бойынша, жауапкер өзінің меншігіндегі даулы мүліктің тең үлесін талап қоюшыға бөліп беретінін көрсетіп, талап қоюшы өзінің талабынан бас тартқан.
Соттың ұйғарымымен дауды медиация тәртібімен реттеу туралы келісімдері бекітіліп, іс жүргізу тоқтатылды.
Бұл өз кезегінде медиацияның тараптар арасындағы дауларды шешудегі жақсы мүмкіндік екенін білдіреді.

Ақпарат:Жаңақорған аудандық сотының баспасөз қызметі