Жаңақорғанда той өткізушілер азаяр емес

Жаңақорған ауданы, Ақүйік ауылында той өткізген отбасыларға тиісті шара қабылдануда.
Қызылорда облыстық Бас мемлекеттік санитарлық дәрігерінің Қызылорда облысы бойынша шектеу шаралары, оның ішінде карантинді кезең-кезеңімен жеңілдету туралы №24 қаулысында көрсетілген шектеулерге қарамастан той өткізу тыйылар емес.
Өткен сенбі, жексенбі күндері Жаңақорған ауданы әкімінің өкімімен құрылған мониторингтік топтың ұйымдастыруымен рейдтік шара жүргізілді. Нәтижесінде Жаңақорған ауданында 6 жерде той өткізіліп жатқаны анықталды.
Жинақталған құжаттарға сәйкес, тиісті шешім қабылдау үшін Жаңақорған аудандық тауарлар мен көрсетілетін қызметтердің сапасы мен қауіпсіздігін бақылау басқармасына жолданды. Қазіргі таңда рейдтік жұмыстар жалғасуда.