Туу туралы куәлікті электронды түрде алуға жол ашылды
Туу туралы куәлікті электронды түрде еліміздің кез келген жерінен алуға болатыны туралы әділет министрі Марат Бекетаев мәлім етті деп хабарлайды Жаңақорған тынысы сайты.
Министр туу туралы куәлік және өзге де құжаттарды карантин жағдайында Қазақстанның кез келген аймағында отырып алуға болатыны туралы айтып берді. Егер онлайн тапсырыс беретін болсаңыз, сізге қажетті құжат пошта арқылы келеді дейді ол. "Жалпы алғанда осы жылы 1-қаңтардан бастап, қажетті құжаттарын кез келген қаладан алуға болады. Егер сіз электронды өкімет арқылы тапсырыс берсеңіз, сізге пошта арқылы құжат жіберілетін болады", - дейді Марат Бекетаев.
Осылайша министр құжаттарын жоғалтып алған азаматтарға кеңес беріп, еліміздегі жүйенің онлайнға өткені туралы нақты ақпарат берді.
