PDF нұсқалар мұрағаты

№40 (8360) 30

30 мамыр 2020 ж.

№39 (8359) 26

26 мамыр 2020 ж.

№38 (8358) 23

23 мамыр 2020 ж.

Жаңалықтар мұрағаты

«    Мамыр 2020    »
ДсСсСрБсЖмСбЖс
 123
45678910
11121314151617
18192021222324
25262728293031
» » Отаны бірдің жүрегі бір

Отаны бірдің жүрегі бір

7 мамыр – Қазақстан Республикасының Қарулы Күштері күні. Бұл күн – қайсар мінезді ата-бабамыздың жауынгерлік дәстүрінің заңды жалғас тапқан күні. Осындай мерекелі салтанатта батырды ұлықтау орынды. Жаңақорғанда туып-өскен, подполковник Аманбек Шүкановті сол қатарға жатқызуға болады.
1992 жылы осы ауданда әскер қатарына шақырылып, арнайы іріктеліп алынған Қазақстандағы алғашқы Республикалық гвардия (қазіргі Республикалық Ұлан) қатарына алынады. Аз уақыт ішінде жоғары қолбасшылардың көзіне түсіп, бөлімше командирі қызметін атқарды. Осында Отан алдындағы борышын адал атқаруға ант берген сәтінде, өзінің алдағы келешегін – елін қорғауға, халқына қызмет етуге арнайтынына еш күмәні болмады. Әскери борышын өтеп болысымен, 1994 жылы ҰҚК-нің шекара әскери институтына түседі. 1998 жылы оқуды бітіріп, ҰҚК-нің шекара офицері, лейтенант шенін алып шығады.
Жас офицердің алғашқы шекаралық қызметі «Шығыс» өңірлік басқармасының Зайсан шекара отрядындағы, «Майқапшағай» шекара заставасынан басталады. 1998 жылдан Застава бастығының орынбасары, бөлім бастығы, рота командирі, шекара отрядының оқу орталығының бастығы, жауынгерлік дайындық бөлім бастығы  қызметтерін атқарады.
2006 жылдан «Шығыс» өңірлік басқармасының мемлекеттік шекараны күзету бөлімінің офицері, одан әрі білімін жетілдіру, біліктілігін арттыру мақсатында ҚР ҰҚК Шекара академиясының магистратурасына түсті.
2009 жылы «ҚР ҰҚК Шекара қызметінің құрамалары мен бөлімдерін басқару» біліктілігі бойыншақызыл дипломмен аяқтап шығады.
Өзін оң қырынан таныта біліп, жеке құрамға үлгі бола білген ол «Батыс» өңірлік басқармасыныңБейнеу шекара отрядының, штаб бастығы қызметіне тағайындалады. Одан кейін еліміздің «Оңтүстік» өңіріндегі Жетісай шекара отрядының қомандирі болып тағайындалады.
Шекара шебінде абыроймен 20 жылдан астам, өзінің қызмет атқару барысында, подполковник Аманбек Пердешбекұлы ҚР Қарулы күштеріндегі 3-ші және 2-ші дәрежелі «Мінсіз қызметі үшін» медалымен, «Жауынгерлік айбыны үшін», «Шекара әскерлерінің үздігі», 3-ші, 2-ші және 1-ші дәрежелі «Ұлттық қауіпсіздік комитетінің қалқаны» медалымен марапатталды.
Оның ерекше қасиеттерінің бірі, ол дос пен жолдасқа адал, мінезі қарапайым, қарамағындағы жеке құрамға әділ,  дәлелді сөзге тоқтайтын, дәйексіз сөзге мойын бұрмайтын шыншыл, рухы өте биік азамат еді.
Отбасының тіршілігі де, Отан алдындағы қызметтік міндеттері де, баласы мен қызының алдындағы әкелік борышы да, ата-анасы алдындағы перзенттің міндетін атқарып, қала берді алыс-жақын туыстарымен, сырлас дос-жарандарының да көңілдерін тауып, бірге болуға мән беретін.
Осындай асыл азамат Аманбек Пердешбекұлы 2012 жылдың 25 желтоқсанында «Астана- Шымкент» рейісімен ұшып бара жатқан ҚР ҰҚК Шекара қызметінің апатқа ұшыраған ведомствалық ұшағында, қызметтік міндетін орындау кезінде қаза тапты.
Мемлекеттің шекарасының берік, сенімді  күзетілуіне зор үлесін қосқан Аманбек Шукановтың өмір жолы өскелең ұрпаққа өнеге.
Құралай ДӘРМЕН,
Жаңақорған аудандық тарихи-өлкетану музейінің әдіскері
05 мамыр 2020 ж. 100 0