Нұр-Сұлтан әуежайында намазхана ашылды

Елордалық Нұрсұлтан Назарбаев атындағы халықаралық әуежайда намазхана ашылды, деп хабарлайды Stan.kz ақпарат агенттігі.

Әуежайдың баспасөз қызметінің мәлімдеуінше, бұл жағдай жолаушылар тарапынан түскен көптеген өтініштердің негізінде жүзеге асырылған.

"Нұр-Сұлтан қаласының халықаралық әуежайында 18 қаңтар күні намазхана ашылды. Әуежай басшылығы діни ғұрыптар үшін жолаушыларға бір бөлмені арнады", - делінген хабарламада.

Намазхана Т2 терминалының бірінші қабатында орналасқан.

2017 жылы ҚР-дың қазіргі Ақпарат және қоғамдық даму министрлігі 2011 жылы қабылданған заңға  өзгертулер енгізіпті. Бүгінгі күні намазхана ашып, діни кітаптарды сатуға рұқсат берілген. Десек те намаз оқитын бөлме ашу ғимарат басшылығының рұқсатымен іске асырылады.