Қауіпті ойыншықтар туралы не білеміз?

Кейінгі уақытта ақпарат көздерінде Қытайдан өндірілетін ойыншықтардың қауіпке толы, құрамында улы химиялық заттардың барлығы айтылып, әлем елдері дабыл қағуда. Мәселен, бүгінде қытайлық ойыншықтарды Солтүстік Америка мен Австралия өз елдерінде сатуға тыйым салған. Мәліметтерге сәйкес, Қытайдан келетін ойыншықтар халықаралық стандарттаға сай емес. Оның құрамында сәби денсаулығына қауіп төндіретін улы қоспалар өте көп. Мәселен, формальдегид әдеттегіден 10-15 есе көп болса, бояудың құрамында фенол, қорғасын көп мөлшерде кездеседі екен. Ал, бұл қосындылар баланың денсаулығына өте қауіпті.Ғалымдардың айтуынша, ойыншықтардың құрамындағы химиялық зиянды заттар, яғни, фенол, қорғасын, кадмий және формальдегид бекітілген нормадан артық болса баланың ағзасына қауіп төндіреді. Олар теріге тез сіңіп, фенол баланың жүйке жүйесіне әсер етеді. Кадмий асқазанға зиянды әсер етсе, қорғасын ағзаға жиналып, созылмалы улануға ұшыратады.

Түйін. Кез-келген баланың өсіп-жетілуінде ойыншықтың алар орны маңызды. Дегенмен, ойыншық таңдауда аса сақтық қажет. Өйткені, ойыншықтар сәбидің денсаулығына тікелей әсер етеді. Сондықтан, ойыншық аларда оның бағасына емес, сапасына мән берген абзал. Ең дұрысы – отандық өнімді тұтынған жөн...