БИЫЛ ХАЛЫҚ САНЫ ҚАНША ПАЙЫЗҒА ӨСТІ?

BAQ хабарлауы бойынша биыл Қазақстандағы халық саны 1,3% өскен.

Яғни, 2018 жылы 1 қыркүйегінде еліміздегі халық саны 18 311,7 мың адамды құраған. Оның ішінде қалалықтар – 10 555,8 мың (57,6%), ауылдықтар – 7 755,9 мың адам (42,4%). 
2017 жылғы 1 қыркүйекпен салыстырғанда халық саны 237,6 мың адамға немесе 1,3% өсті. Қарастырылып отырған кезеңде ең көп жалпы өсімі республикалық маңызы бар қалаларда: Шымкент қаласы ( 57 934 адам), Алматы қаласы (36 936 адам) және Астана қаласында (26 165 адам) қалыптасты.
Бұл 1 қыркүйектегі болжам болса, 11 қыркүйек сағат 06:35-те Қазақстан халқының саны 18 321 606 адамға жетті деген ресми дерек бар. Сонда 10 күннің ішінде елде 10 000-ға жуық сәби өмірге келіпті. Жыл соңына дейін 18 608 079 адам болып көбейеді, табиғи өсім 249 393 адам болады деп күтілуде. Бір жылда 411 929 бала туылып, өлім-жітім саны – 162 536 деген болжам тағы бар.