Егінші қауыммен кездесу

Басқарма басшысының орынбасары Ерсұлтан Амантайұлы Шиелі, Жаңақорған аудандарына жұмыс сапарымен болды. Іс-сапар барысында Ерсұлтан Әпетов ауыл шаруашылығы құрылымдарымен кездесу өткізді. Кездесу барысында Сырдария өзеніндегі орын алуы мүмкін су тапшылығы болжамы бойынша ауыл шаруашылығы дақылдарын орналастыру және вегетация кезеңінде суармалы сумен қамтамасыз ету мәселелері талқыланды.
Ерсұлтан Амантайұлы ауыл шаруашылығы саласының басшыларына вегетация кезінде келетін су көлемін нақтылаған уақытта кезекпен су беру жұмыстарын үйлестіруді тапсырды.
Шыны керек, биыл да егінші қауым аяқ судан таршылық көреміз бе деген үрейде жүр. Өйткені, дала еңбеккерлері бар мүмкіндіктерін күрішке жұмсауда. Бұл өз кезегінде аяқ суды аса қажет етеді. Сондықтан жауапты сала мамандары алдын алу зерделеу жүргізіп, шаруалармен мәселені отақ түйінге тоғыстыруда.