Бүгін ауданда республикалық, облыстық БАҚ өкілдерінің қатысуымен пресс тур өтті.


Әрине бір күнде ауданның барлық жаңалықтарымен таныстыру мүмкін емес, сонда да біршама жаңа бастамаларды мүмкіндігінше көрсете білдік.

Елді мекендерде жаңа жобалар өте көп. Соның ішінде Қожакент ауылдық округінде құрылысы жүріп жатқан құны 185 миллион теңгені құрайтын спорт кешені маған ұнады. Спорт кешенінің жалпы көлемі 2000 м2 құрайды. Жастардың сұранысына байланысты онда кіші футбол залы, тренажер, бильярд және 100 адамға арналған асханасы бар. Оған қоса бүгінде сұранысқа ие шатыр жабынына қолданылатын профильді тақта шығаратын цехын іске қосқан жас кәсіпкер Мейірбек Изатуллаұлының еңбегін журналистер арқылы елге насихаттауды жөн көрдім. Жастарымызға үлгі болып, жаңа кәсіптерін ашуға себепкер болады деген ниеттемін.

Бүгінгі пресс турға арнайы қатысқан барлық БАҚ өкілдеріне алғыс білдіремін.
Құрметпен, Жаңақорған ауданының әкімі Мұрат Жолкелдіұлы.