Сыр халқының су пайдалану көрсеткіші

ҚР Президенті жанындағы Орталық коммуникациялар қызметінің баспасөз конференциясында облыс әкімі Гүлшара Әбдіқалықова экономиканы әртараптандыру бағытындағы бастамаларды және аймақтың әлеуметтік-экономикалық дамуы бағыты жайында баяндап, журналистердің сұрағына жауап берді.

Сыр елінде облыс тұрғындарының 97 пайызы орталықтандырылған ауыз сумен қамтамасыз етілсе, 65 пайызы табиғи газ пайдаланады. Жыл соңына дейін халықтың газ қолдану деңгейі 67,4 пайызға дейін артады. Сондай-ақ, су, кәріз желілерін қайта жаңғырту және салу бойынша жалпы құны 1,4 миллиард теңгені құрайтын жоба іске асады. Мұнан бөлек, 400 шақырым автомобиль жолдарын, көпір өткелдері мен көшелерді жөндеуге және салуға 17 миллиардтан астам теңге бөлінген.