ӘТІРДЕН ЖАСАЛҒАН БҰЛТ
Зергерлік бұйымдар жасайтын француздық «Cartier» компаниясы «Жұпарлы бұлт» атты арт-инсталляциясын жасады. Ол Париж қаласындағы Өнер мұражайында орналасқан. Жобаны «Cartier» компаниясының парфюмері Матильда Лоран ойлап тапқан. Жобаның мақсаты әтірлерге өзге көзқарас қалыптастыру.
Сондай-ақ, «Transsolar» агенттігі осындай ғажайып идеяны техникалық жағынан жүзеге асыруға ат салысты. Жұпарлы бұлт орналасқан әйнек инсталляцияның ішіне кіріп, серуендеуге болады. Оның ортасында темір баспалдақ бар. Сатымен көтерілген адам L'Envol de Cartier әтірінің иісіне бөленеді.
