Головкиннің келесі жекпе-жегі кіммен, қашан және қайда өтетіні ресми түрде жарияланды

Орта салмақ дәрежесі бойынша бұрынғы әлем чемпионы Геннадий Головкин маусым айында рингке қайтып оралады.

Бұл туралы Stan.kz сайтына сілтеме жасап хабарлайды "Жаңақорған тынысы".

8 маусымда Нью-Йорктегі (АҚШ) Madison Square Garden аренасында қазақстандық боксшы канадалық Стив Роллспен кездеседі. Бұл туралы Yahoo! Sports журналисі Крис Мэнникс Twitter желісінде мәлімдеді. Ол Головкиннің жаңа серіктесі болып табылатын DAZN стримингтік платформасында жұмыс істейді.

Ал Геннадий Головкин өзінің рингке оралатынына шексіз қуанышты екенін жазды.
«Мен боксты сүйемін және Роллспен жекпе-жегімді тамашалайтындарға өзімді жақсы жағымнан көрсетуге уәде беремін», - деп жазды Головкин желіде.